2011 წლის მსოფლიოს საუკეთესო სპორტსმენმა ნოვაკ ჯოკოვიჩმა კიდევ ერთხელ დაამტკიცა, რომ ამ დროისათვის უძლიერესი ჩოგბურთელია. 24 წლის სერბმა ავსტრალიის ღია პირველობის ძალზე დაძაბულ ფინალში საერთო ანგარიშით 3:2 დაამარცხა ერთი წლით უფროსი რაფაელ ნადალი, რომელსაც შარშან ჩამოართვა პირველი ჩოგნის სტატუსი.
სულ კი ბოლო ერთ წელიწადში მეშვიდედ მოიგო ფინალი, მათ შორის უიმბლდონზე და აშშ-ის ღია პირველობაზე. ჯოკოვიჩსა და ნადალს შორის შეხვედრა 5 საათსა და 53 წუთს გაგრძელდა, რაც სლემ-ტურნირების ფინალების ახალი რეკორდია და ძველ რეკორდზე ზუსტად ერთი საათით მეტია. ამ ფინალში დაძაბულობამ პიკს მეხუთე სეტში მიაღწია. ესპანელი ახლოს იყო სერბთან წაგებათა სერიის შეწყვეტასთან, მაგრამ ბოლო სეტში ჯოკოვიჩმა 7:5 მოიგო. ჯოკოვიჩისთვის ეს გამარჯვება მეხუთეა დიდი სლემის ტურნირებზე. ნადალი ჯამში ჯოკოვიჩზე ტიტულოვანია. იგი 15-ჯერ გასულა სლემ-ტურნირის ფინალში და აქედან 10 აქვს მოგებული, მათ შორის ექვსჯერ საფრანგეთის ღია პირველობა.
No comments:
Post a Comment